الذهد كلمة كتير انا بسمعها بس ياتري اقدر افهم هي ايه انا كتير بشوف ناس مساكين بيكونو قاعدين جنب قبور الاولياء وخصوصا في القاهرة وفي المدن اللي بيكون فيها مقامات لاولياء الله الصالحين يلبسو الخشن وبيكونو مبهدلين واحيانا كتير الناس البسطاء بيسموهم البهلول او المبروك او كتير من التسميات الواردة علي لسان الناس العوام
لكن ياه تصدق ان الزهد مش كده دا ده اسمه تواكل واستغفال للناس ونصب وواحد عايز يبقي علي راي المثل من تنابلة السلطان ياكل وينام وينام وياكل بس
دا الزهد ده مشكله كبيره في راي ان الزهد انك تزهد فيما تملك مش فيما لاتملك مثال انا بشوف ان الراجل الغني ممكن يكون زاهد اكتر من راجل فقير لان الفقي ما يملكش بالطبيعه وان زهد فهو من ضيق ذات اليد اما الغني فانما هو يملك وان زهد فما يملك اعتقد انه اقسي فيمن لا يملك كلا شوي صعب صح

النهارده التاريخ28/2/2008
حصل تغيير جميل واحد صاحبي عزمني ورحت اغير جو في منطقة تانيه غير اللي انا فيها ياه انا كنت محبوس او بتعبير اصدق كنت رهين الحبس بيت وشغل وشغل وبيت يمكن لما الحاله المزاجيه تبقي كويسه الواحد يروح يروح عن نفسه في المسجد بصراحة انا برتاح في المسجد الكبير قوي بحس اني داخل الحرم المدني وبحس براحه غريبه
تناولنا الغداء وجلسنا نناقش حاجات كتيره ياه انا كنت مشتاق اتكلم قوي كانت جلسه كلها مثقفين وكد ايه كانت ممتعه جلسة المثقفين كل حسب تخصصه وقد ايه امتاع التخصص فمنهم من يتحدث العربيه بفصاحه تجعلك تجلس مشدوها كانك في عالم اخر ومنهم من يتحدث الانجليزيه كانما خلق بلسان اجنبي ومنهم من اتاه الله فهما للاشياء من نظرة خاصه ومنهم بين ذاك وتلك ومنهم من هو مفلس لا يملك الاحسن الاستماع ولكن لايملك ملكه التعبير عما بداخله استمتعت بهذه الجلسة لدرجة اني انتشيت ووصلت للذروه حين اتممنا حيثنا بحمد الله وشكره والدعاء لصاحب البيت علي حسن ضيافته

سلام عليكم
بصراحه انا سعيد لاني قدرت اعمل مدونه خاصة بيه النهارده بس وباعتبر نفسك كنت جاهل واول مره اعرف حكاية المدونه دي لما استضافة السيدة مني الشاذلي اللي انا بحترمها قوي وبحترم بنامجها لما استضافت الاخت رحاب بسام وغاده وغادة اللي انا عايز اشكرهم برضه علي اسلوبهم المتميز ومدي الصدق والبراعه في البيان اللي انا لمسته في كتاباتاهم دي اول رسال ليا وان شاء الله تكون بدايه طيبه شكرا لكل المهتمين وتصبحو علي خير